Кристијано Роналдо сака да го напушти Манчестер јунајтед, напаѓачот бил понуден на неколку гиганти ширум Европа но во моментов никој не сака сериозно да загриза.
По трансферот на Роберт Левандовски во Барселона, многумина веруваа дека Баерн Минхен ќе се обиде да го донесе ЦР7, но „баварците“ веднаш побрзаа да ги демантираат гласините.
Утрово АС го поврза Кристијано Роналдо со шокантна преселба во Атлетико Мадрид, наводно Португалецот го убедил Диего Симеоне за трансфер на „Ванда Метрополитано“.
Сега Атлетико Мадрид треба да се ослободи од неколку фудбалери за да направи место во буџетот за пристигнување на Кристијано Роналдо.
Останува да се види дали има вистина во ваквите шпекулации, многумина се сомневаат дека ова е само тактика на Жорж Мендеш и посочуваат што направи агентот минатото лето.
Пред 12 месеци, имаше силни шпекулации за предавство и трансфер во Манчестер Сити, се говореше дека Кристијано Роналдо разговарал со Пеп Гвардиола и тренерот дал амин за комплетирање на зделката, но на крајот Португалецот се врати во Манчестер јунајтед.
Па сега гласините за трансфер во Атлетико Мадрид се гледаат како притисок врз Флорентино Перез и Реал Мадрид да го вратат Кристијано Роналдо на „Сантијаго Бернабеу“.