Јувентус треба да се ослободи од дел од фудбалерите за да може да ги обезбеди бараните 60 милиони евра од Рома за Николо Заниоло.
Според италијанските медиуми, Јувентус се мачи да најде купувачи за Моизе Кин, Адриен Рабио, Арон Ремзи и Артур Мело, сите четворица се на листата за продажба, но за нив нема понуди по соодветна цена.
Сериозен интерес има за Де Лихт и голема е веројатноста дека тој ќе биде продаден. Во меѓувреме Јувентус бара соодветна замена за него, а еден од оние за кои се интересираат е Кулибали.
Деновиве се очекува Пол Погба и Анхел Ди Марија да ги потпишат договорите со Јуве. Двајцата се веќе договорени, наскоро ќе ги поминат медицинските тестови и ќе бидат промовирани како нови играчи во тимот. Двајцата доаѓаат како слободни фудбалери.