Наполи се вклучува во трката по Роналдо, може ли Португалецот да стане соиграч на Елмас?

По последните информации од релавантните медиуми дека Кристијано Роналдо побарал од Манчестер јунајтед да си замине, се зголемуваат шпекулациите за неговата иднина.

А последната доаѓа од „Атлетик“ кој го претставува Наполи како еден од кандидатите за потписот на Кристијано Роналдо.

Рома е првиот клуб од Серија А кој се поврзува со Роналдо, но предноста на Наполи е фактот што тие играат во Лигата на шампионите за разлика од волчицата, а тоа ги прави поатрактивни.

Лоренцо Инсиње и Дрес Мертенс си заминаа како слободни фудбалери, па Наполи ќе треба да ја засили офанзивата.

Доколку Кулибали не прифати намалување на платата, би можел да биде продаден, а тоа ќе ослободи финансии за купување на Роналдо.