167
Во реприза од финалето на последното Европско првенство, Англија и Италија одиграа без голови.
Иако немаше погодоци, натпреварот беше интересен, и двете репрезентации имаа свои шанси, а најголемата ја имаше Стерлинг кој промаши од чиста позиција.
На другите три меча од Лига А вечерва имаше погодоци, но немаше победник.
Унгарија и Германија одиграа 1-1, со тој резултат заврши и мечот меѓу Велс и Белгија, а Холандија и Полска ремизираа со 2-2.
Во Лига Б, Украина со 3-0 ја победи Ерменија, Република Ирска со идентичен резултат славеше над Шкотска, Црна Гора и Босна и Херцеговина одиграа 1-1, а Романија со 1-0 беше подобра од Финска.
Во Лига Ц, Турција со 2-0 победи на гостувањето кај Луксембург, а Фарски Острови со 2-1 ја совладаа Литванија.