На 25 март во Москва, Полска треба да гостува кај Русија во полуфиналниот бараж дуел за пласман на Светското првенство, но големи се шансите тој меч да не се одигра.
Полската фудбалска федерација излезе со соопштение во кое вели дека нема намера да игра плеј-оф меч против Русија, а на тоа им се приклучија и Шведска и Чешка кои би можеле да бидат противници на Русите во финалето од баражот.
Сите три репрезентации одбиваат да играат со Русија, а таков е ставот и на Роберт Левандовски.
„Тоа е вистинска одлука! Не можам да замислам да играме со Русија во ситуација кога тие имаат вооружена агресија во Украина. Руските фудбалери и фанови не се одговорни за тоа, но ние не можеме да се правиме како ништо да не се случува“, вели Левандовски.
It is the right decision! I can’t imagine playing a match with the Russian National Team in a situation when armed aggression in Ukraine continues. Russian footballers and fans are not responsible for this, but we can’t pretend that nothing is happening. https://t.co/rfnfbXzdjF
— Robert Lewandowski (@lewy_official) February 26, 2022