Натпреварот заврши 0-0, а тоа значеше пласман на Јувентус во финалето од Купот на Италија.
Голови немаше, но тензија имаше и тоа во голема количина. Темпераментниот Антонио Конте влезе во вербални дуели со раководството на неговиот поранешен клуб.
По последниот свиреж на судијата, Андреа Ањели беше фатен од камерите како од трибините му вели на Конте: „Одеби, замолчи шупаку“.
Конте кој пак на полувреме му го покажа средниот прст на Ањели, по мечот во изјавата за медиумите му држеше лекција по однесување на својот поранешен газда.
„Мислам дека тие треба да бидат покултурни. Треба да се однесуваат поспортски и да имаат повеќе почит, со тоа што тој го кажува не ме навредува само мене, го навредува и Јувентус“, изјави Конте.
Eccoloo #JuventusInter #agnelli #coppaitalia https://t.co/h4T6fYKpEB pic.twitter.com/lDKyxDrYAp
— Francesca Iannibelli (@Fra_Iannibelli) February 9, 2021