Мурињо откри уште колку време Хари Кејн ќе биде надвор од теренот

Хари Кејн на мечот со Ливерпул ги повреди двата зглоба, па на полувремето беше заменет. Поради повредата го пропушти и дуелот со Брајтон кој тимот на Мурињо го загуби со 1-0.

Мурињо пренесе дека Хари Кејн е оптимист и верува дека наскоро ќе се врати во тимот.

„Вестите се прилично добри. На мечот со Ливерпул не знаевме колку ќе паузира. А потоа мислевме дека ќе биде во аут околу три недели, или нешто слично“, вели Мурињо.

„Не сакам да бидам супер оптимист, но Хари е оптимист. Тој има искуство со некои повреди на зглобовите и според него ќе се врати за две недели, па да видиме дали ќе биде во право“.