Убедлива победа на Интер над Беневенто, голот против Милан му донесе 90 минути на Ериксен (ВИДЕО)

Победничкиот гол на Ериксен против Милан се чини дека му ја смени судбината на Данецот во Интер, тој денеска доби шанса од првата минута и го одигра целиот меч.

Интер поведе уште во седмата минута со автогол на Импорта по центаршут на Ериксен.

Во 57. минута Лаутаро Мартинез зголеми на 2-0, а до крајот на мечот Лукаку постигна уште два гола за конечна победа од 4-0.

Со овие три бода Интер го одржа чекорот со Милан, нероазурите имаат два бода негатива во однос на градскиот ривал.