Алегри е отворен за соработка со Рома

„Кориере ди Рома“
пишува дека Масимилијано Алегри не би имал ништо против да го преземе кормилото
на Рома, која изминатиов период се соочува со доста проблеми во тимот.

Доста неизвесна е
иднината на актуелниот тренер на „Римската волчица“, Пауло Фонсека, особено по
раздорот кој се случи во тимот, а по кој напаѓачот Един Џеко почна да тренира
одвоено од останатите.

Проблемите
започнаа откако беше отпуштен тим менаџерот Џанлука Гомбер, а „Кориере ди Рома“
тврди дека од Рома веќе воспоставиле контакт со Алегри кој се споменуваше и
како можен наследник на Френк Лампард на клупата на Челси изминатиов период.