Роналдо и Меси одбиле милиони од Саудиска Арабија

Кристијано Роналдо добил богата понуда од Саудиска Арабија, ЦР7 требал да биде главен лик на кампањата за промоција на туризмот во оваа земја.

Според пишувањата на Телеграф, Саудиска Арабија му нудела на Португалецот 6 милиони евра годишно. 

Напаѓачот на Јувентус сепак го одбил предлогот. Телеграф додава дека Саудиска Арабија стапила во контакт и со луѓе од кампот на Лео Меси, и на него му понудиле сличен договор, но и Аргентинецот ги одбил.

Саудиска Арабија често е критикувана за кршење на основните човекови права, па властите се обидуваат на секој начин да покажат поинаква слика.

Во 2019, Суперкупот на Шпанија се играше во Саудиска Арабија, Фудбалската федерација на Шпанија поптпиша тригодишен договор вреден 120 милиони евра.