Ливерпул во исчекување за тоа колку е сериозна повредата на Џо Гомез, Саутгејт вели: Можеме само да се молиме

„Црвените“ практично
до крајот на сезоната ќе мора да се снаоѓаат без Вирџил ван Дајк, но како тоа да
беше малку, па денеска на тренинг со Англија се повреди и Џо Гомез. Детелните
тестови ќе кажат за што точно се работи, но се стравува за слична повреда,
односно дека настрадале лигаментите на коленото.

„Не можам да
кажам колку сериозна е повредата, треба да се направат тестови. Но тој имаше
прилично голема болка, немаше никој околу него кога се повреди и ова воопшто не
ми се допаѓа“ – вели селекторот на Англија, Герет Саутгејт.

„Се надевам дека
не е она на кое сите мислиме, но ситуацијата не е добра. Не можеме да
шпекулираме, можеме само да се надеваме и да се молиме дека не го чека долга
пауза“.