Тонали за да оди во Милан прво ќе мора да потпише нов договор со Бреша

Претседателот на Бреша, Масимо Челино ја прифати понудата од Милан за позајмица со опција за откуп следното лето.

Но договорот на Тонали со Бреша истекува во јуни 2022 година и претседателот на клубот не сака никакви компликации следното лето.

Тој ќе го прати Тонали во Милан на позајмица со опција за купување само ако прво потпише нов договор со Бреша.

Доколку Милан одлучи да не ја активира опцијата за откуп на Тонали следното лето, Бреша сака да избегне сценарио во кое на фудбалерот ќе му остане само уште една сезона од договорот. Токму затоа инсистира играчот прво да го продолжи договорот со нив.