Ситуацијата на Алексис Санчез не е многу честа во фудбалот, обично за добрите играчи плаќаат клубовите кои ги купуваат, но Манчестер јунајтед му платиле на Чилеанецот за тој да си замине.
Со денови се шпекулираше дека Манчестер јунајтед му платил обесштетување на Санчез за да си оди, а сега се знае и бројката, 9 милиони фунти.
Поради тоа што на Олд Трафорд пристигна како слободен играч, Санчез доби огромна плата, заработуваше 560.000 фунти неделно.
Манчестер јунајтед свесен дека ако Санчез останеше во клубот, ќе требаше да му плати околу 50 милиони фунти, смета дека и со тоа што ќе му даде 9 за обесштетување за да си оди е добра зделка за нив.
Неделната плата во Интер на Санчез ќе му биде 130.000 фунти неделно, што е многу помалку отколку што заработуваше во Јунајтед, но тие 9 милиони фунти ќе му ја ублажат разликата.