На две кола до крајот, Манчестер јунајтед има ист број на бодови со Лестер и во последното коло овие две екипи во меѓусебен дуел веројатно ќе одлучуваат за последното место кое води во Лигата на шампиони.
Жозе Мурињо може да му направи услуга на својот поранешен клуб, Тотнем во недела ги пречекува „лисиците“. „Специјалниот“ вели дека не знае какви се математиките, и додава дека Манчестер јунајтед заслужува топ четири пласман и покрај тоа што имал многу среќа.
„Не ме интересира нивната битка, не знам какви се математиките. Знам само дека играат меѓу себе во последното коло“ – вели тренерот на Тотнем.
„Доколку Манчестер јунајтед се пласира во топ четири, тоа е така бидејќи играат добро во вториот дел од сезоната, и кога играте добро, заслужувате. Исто така, сите знаат дека имаа многу среќа. Среќата беше на нивна страна повеќе од еднаш. Другите немаа таква среќа, особено ние немавме среќа“.