Тотнем конечно врза две победи во серија, овој пат тимот на Мурињо дојде до три бода од гостувањето кај Њукасл.
Резултатот го отвори Сон во 27. минута, но по десет минути игра во вториот дел Ричи изедначи на 1-1.
Радоста на домаќините траеше кратко, Хари Кејн со глава во 60. минута погоди за ново водство на Тотнем, овој пат од 2-1.
Ова беше 200. гол во клупската кариера за Хари Кејн.
200 – Harry Kane’s strike is his 200th club career goal in his 350th appearance in all competitions, with 184 of these coming for Spurs (Millwall (9), Leyton Orient (5) & Leicester (2)). Beacon. pic.twitter.com/0hcENvkQz7
— OptaJoe (@OptaJoe) July 15, 2020
До крајот на мечот тој дојде и до 201 гол откако во 90. минута постигна нов погодок и ги постави конечните 3-1 за неговиот тим.
Манчестер Сити со 2-1 славеше над Борнмут.
Давид Силва постигна прекрасен гол уште во шестата минута од слободен удар, Габриел Жесус во 39. зголеми на 2-0. Букс во 88. постигна почесен гол за Борнмут.
Волвс кој се бори за местата во Европа, имаше водство кај Барнли со гол на Раул Хименез во 76. минута, но Вуд од пенал во 96. изедначи на 1-1.