Мурињо провоцира: Да ни свирнеа 13 пенали како на Манчестер јунајтед ќе имавме дадено некој гол повеќе

Португалецот цела недела фрла со дрва и камења по Мајкл Оливер и ВАР откако најпрво против Шефилд јунајтед им беше поништен гол, а синоќа против Борнмут не добија пенал.

Жозе Мурињо сега одново најде начин да испрати провокација, откако му беше посочено дека Тотнем има проблеми во нападот по ре-стартот на сезоната и постигнато само пет гола, тој порача дека бројката ќе била пооглема доколку им се свирело пенали како на Манчестер јунајтед.

„Ќе ни беа од помош 13-те пенали на Манчестер јунајтед“ – кратко истакна тренерот на Тотнем.

„Ѓаволите“ испишуваат рекорди оваа сезона по бројот на досудени пенали а синоќешниот досуден за старт над Бруно Фернандеш беше прилично сомнителен.