Милан за седум милиони евра ќе откупи двајца играчи кои сега ги има на позајмица

Милан има опција во договорите со Салемакерс и Кјаер за по 3,5 милиони евра позајмиците да ги претвори во перманентни договори. И според „Газета дело Спорт“ тоа и ќе го направи.

Салемакерс во Милан пристигна од Андерлехт во јануари, на почетокот немаше некоја минутажа, но по рестартот на сезоната имаше минути на трите меча и покажа квалитет кој го задоволи раководството. 

21-годишниот Белгиец може да игра на повеќе позиции, и како дефанзивец по десната страна и како играч од средниот ред.

Исто како и него, Симон Кјаер во Милан пристигна во јануари, тој е десет години постар од Салемакерс но брзо се промовираше на стартна позиција во дефанзивата. 

Клубот смета дека тој треба да остане „росонер“ бидејќи неговото искуство е потребно во одбраната.