Тимот на Диего Симеоне дојде до уште една неубедлива победа, но трите бода се важни за одржување на пласман во местата кои водат во Лигата на шампионите.
Резултатот беше отворен дури во 59. минута кога Саул Нигез по еден центаршут на Трипие погоди за водство на Атлетико Мадрид од 1-0.
Во 70. минута беше досуден пенал при наводен фаул врз Љоренте. Од повторените снимки убаво се гледа дека немаше никаков контакт, но судијата се чини дека не сакаше да си ја погази одлуката па и покрај тоа што се анализираше и во ВАР собата одлуката остана непроменета. Диего Коста зголеми на 2-0.
На почетокот од судиското продолжение Алавес доби интересен пенал, Коке легна доле под живиот ѕид, топката го удри во рака и беше покажано на белата точка. Хозелу погоди и ги постави конечните 2-1.