Удинезе по втор пат се раздели со Тудор, Несторовски добива нов тренер, во игра се неколку имиња

Игор Тудор по
втор пат се раздели со Удинезе, стратегот минатата година ги спаси
„бело-црните“ од испаѓање во Серија Б, но раководството сега немаше многу
трпение и му врачи отказ по серијата слаби резултати.

Удинезе минатиот
викенд беше тешко поразен на гостувањето кај Аталанта со 7-1, а во средата
пред своите фанови загуби со 0-4 против Рома. Проблем е и ефикасноста во
нападот и постигнати само 5 погодока на 10 натпревари, најмалку во Серија А
оваа сезона.

Тимот на
привремена основа ќе го превземе Лука Готи, а за наследник на Игор Тудор се
споменуваат неколку имиња како Франческо Гвидолин, Пасквале Марино, Давиде Балардини и
Џенаро Гатузо.