Сопругата и агент
на Мауро Икарди, Ванда Нара открива дека аргентинскиот напаѓач имал опција да
се пресели во градскиот ривал на Интер, Милан, а таа во својата изјава посочи
дека тоа би било покомфорен избор.
Икарди во летниот
преоден рок отиде на позајмица во ПСЖ, а Ванда тврди дека „Росонерите“ биле
сериозни во своите намери да се засилат со Аргентинецот.
„Имавме можност
Мауро да направи трансфер во Милан“ изјави Ванда за „Тики Така“.
„Лично, тоа би
било дури и покомфорен избор, бидејќи тој ќе останеше во Милано, меѓутоа екипа
како ПСЖ беше најдобрата одлука во неговата кариера“ додаде таа.
„Преселбата во
Париз беше комплициран избор според мене, јас само што се вратив од таму, а
утре се враќам повторно. Моите деца се во Париз, меѓутоа ова беше најдобро за
кариерата на Мауро“ посочи Ванда.
Икарди веќе почна
да погодува во дресот на ПСЖ, Аргентинецот досега реализираше седум погодоци во
исто толку и натпревари во сите конкуренции.