Џампаоло бил фан на Интер, но вели: Не сум тројански коњ!

Марко Џампаоло е под притисок поради лошите резултати на Милан, се верува дека наскоро ќе добие отказ.

Интересно, тој како мал бил фан на Интер, а со ова признание може само да има дополнителен минус кај фановите на Милан.

„Работиме да бидеме подобри. Веќе имавме тренинг во осум ова утро“, изјави Џампаоло за ТВ програмата „Ле Иене“.

„Велите работам многу но работам лошо? Ќе најдеме решение. Оставка? Никогаш! Заминувањето значи предавање и ние никогаш не се предаваме“.

„Бев фан на Интер кога имав десет години, но не сум тројански коњ“.

„Не размислуваме за лош резултат против Џенова, работиме да победиме. Нашата цел е секогаш да го дадеме најдоброто. Милан е над индивидуалните интереси“.