Меси со 46 ранкинг поени ја освои наградата за најдобриот фудбалер во 2019, втор беше Ван Дајк со 38, а Роналдо имаше 36.
Иако веројатно ништо немало да биде променето, дамка на манифестацијата фрла скандалот со гласањето за кого сите пишуваат.
Капитенот на Никарагва, Хуан Барера и селекторот на Судан, Здравко Лугарошиќ се јавија велејќи дека нивното гласање не е исто со листата на гласови која ја објави ФИФА.
Барера се јави со твит дека не гласал и неговото гласање за ФИФА „Д Бест“ е фалсификат.
Тој се пожали дека не ги примил листите од ФИФА на кои требало да гласа и затоа не можел да го даде својот глас, но и покрај тоа било напишано дека гласал за Меси.
Селекторот на Судан, Здравко Лугарошиќ објави слика на која се гледа дека гласал за Мохамед Салах, Садио Мане и Килијан Мбапе.
Но на ФИФА листата со гласови стои дека тој гласал за Лионел Меси, Вирџил ван Дајк и Садио Мане.
Sudan coach Zdravko Logarušić says he voted for Egypt’s @MoSalah in the #FIFABestAwards awards as well as @KMbappe but his vote was changed to Lionel Messi and Vigril Van Dijk, Logarušić took a screenshot of his vote before submitting it. @FIFAcom must speak! #FIFAFootballAwards pic.twitter.com/ds9dCIhpVL
— Sheikh Tophic Sienu (@DeSheikh1) September 25, 2019
Сличен проблем имаше и Горан Пандев во изборот за најдобрите за 2012, тогаш македонскиот капитен во изборот за најдобар тренер гласаше за Жозе Мурињо, но гласот не беше впишан на контото на Португалецот.