Хиберниан и
Глазгов Ренџерс синоќа ремизираа со резултат 1-1 во рамките на редовното 29
коло од шкотскиот Премиершип, но, резултатот и играта од тој меч останаа во
втор план, откако еден навивач влезе на теренот и се конфронтираше со капитенот
на тимот предводен од Стивен Џерард, Англичанецот Џејмс Таверние.
Јавноста во
Шкотска, посебно оние вистински љубители на фудбалот во таа земја се кренаа на
нозе и веќе бараат ригорозни казни за ваквите инциденти, а синоќешниот инцидент
дојде само шест дена откако над офанзивецот на Селтик, Скот Синклер беше фрлено
стаклено шише, нанесувајќи му сериозна повреда.
Hibs fan runs onto the pitch kicks the ball off Rangers defender James Tavernier and shoves him – what an absolute moron. The exact same area a glass bottle was thrown at Scott Sinclair last week. This needs to stop. pic.twitter.com/7yEByJRuWy
— Anthony Joseph (@AnthonyRJoseph) March 8, 2019
Ова е нова
епизода од големите проблеми со кои се соочува веќе подолг период шкотскиот
фудбал, а веројатно е дека по најновиот инцидент, ќе се преземат радикални
чекори за овие работи да не се повторат.
„Можеме да
потврдиме дека 21 годишно момче е уапсено поради конекција со инцидентот на
Истер Роуд, ќе следи детална истрага за овој случај“ изјави портпаролот на
полицијата во Шкотска.