Интер кој продолжува да игра без Икарди, вечерва му даде четири гола на тимот на Рапид Виена и со вкупни 5-0 се пласира во осминафиналето од Лига Европа.
Головите за нероазурите ги постигнаа Вечино, Ранокија, Перишиќ и Политано.
Челси со 3-0 го победи Малме, отпорот на шведскиот тим беше скршен дури во второто полувреме кога во 55. минута Жиру погоди за 1-0. Подоцна голови постигнаа и Барли и Ходсон Одои.
Изнендување можеби беше елиминацијата на Баер Леверкузен кој одигра само 1-1 против Краснодар, рускиот тим поради гол во гости оди понатаму.
Бенфика одигра 0-0 во Лисабон против Галатасарај, но со 2-1 славеше во првиот меч во Истанбул и се пласира во осминафиналето.
Рен со 3-1 го победи Бетис во Севиља и со вкупни 6-4 оди понатаму, место во осминафиналето ќе има и за Динамо Киев кој со 1-0 славеше над Олимпијакос во првиот меч беше 2-2, Славија Прага со 4-1 го победи Генк на негов терен, немаше голови во Чешка.
По овие средби познати се сите осминафиналисти во Лига Европа, тие се: Динамо Загреб, Салцбург, Интер, Славија Прага, Краснодар, Наполи, Челси, Ајнтрахт, Валенсија, Рен, Динамо Киев, Зенит, Виљареал, Арсенал и Бенфика.