Кристиано Роналдо
стигна до титулата број пет во Лигата на шампионите носејќи го дресот на Реал
Мадрид, а Португалецот по победата над Ливерпул во големото овосезонско финале
даде една бомбастична изјава за медиумите.
„Во наредните
неколку денови, ќе го дадам толку посакуваниот одговор до фановите, беше убаво
да се биде дел од Реал Мадрид, иднината на било кој фудбалер од нас во тимот не
е важна во моментов, ние направивме историја“ рече тој по финалето и за момент
ги изненади многумина.
Шпанска Марка
пренесува дека пред финалниот меч, Португалецот им соопштил на своите соиграчи
од Реал Мадрид дека ќе си замине од клубот.
Подолг период разни
шпекулации се поврзуваат со иднината на Роналдо, но, засега ништо не е сигурно
околу тоа каде би ја продолжил кариерата доколку и дефинитивно си замине од
Сантијаго Бернабеу.