Селекторот на хрватската фудбалска репрезентација, Славен Билиќ, се најде во центарот на вниманието поради своето однесување за време на гостувањето кај Шпанија, кое Хрватска го загуби со убедливи 1-4.
Иако високиот пораз беше доволна причина за разочарување, внимание предизвика и реакцијата на Билиќ во 75. минута од натпреварот.
Во моментите кога Шпанија имаше убедливо водство од 3-1, хрватскиот селектор бурно реагираше покрај својата клупа. Билиќ сметаше дека домаќинот неправедно добил посед на топката, откако според него таа претходно ја напуштила теренот преку аут-линијата.
Незадоволен од одлуката на главниот арбитар, Билиќ целосно ги загуби нервите и со жестоки зборови му се обрати на судијата.
„Идиот еден, топката беше излезена! Што ме гледаш?! Волку беше излезена!“, викаше Билиќ, а неговите зборови јасно се слушнаа во директниот телевизиски пренос.
Slaven Bilic ne cini odjelo gospodina pic.twitter.com/0ipAd90NRR
— db (@db300595) September 29, 2026