Манчестер јунајтед направи голем чекор кон спектакуларниот проект за стадион од 100.000 гледачи

Манчестер јунајтед направи значаен исчекор во реализацијата на амбициозниот проект за изградба на нов стадион со капацитет од 100.000 гледачи.

Клубот веќе го обезбеди најголемиот дел од земјиштето на кое е планирана изградбата, со што проектот влегува во нова фаза.

Извршниот директор на „црвените ѓаволи“, Омар Берада, потврди дека клубот останува целосно посветен на планот за изградба на новиот објект, а обезбедувањето на земјиштето го опиша како важен чекор во целиот процес.

Новиот стадион е дел од поширокиот план за трансформација на просторот околу „Олд Трафорд“. Целиот проект се проценува на околу две милијарди фунти, а доколку биде реализиран, Манчестер јунајтед ќе добие еден од најголемите стадиони во Европа.