Премиер лигата излезе со официјално објаснување за спорната ситуација од манчестерското дерби, откако голот на Ерлинг Халанд предизвика бројни реакции кај фудбалската јавност.
Напаѓачот на Манчестер сити во 60. минута ја затресе мрежата за водство на својот тим. Погодокот првично беше поништен поради офсајд, но по интервенцијата на ВАР одлуката беше променета и голот беше признат.
Токму оваа одлука предизвика дилеми кај дел од навивачите, па Премиер лигата дополнително ја појасни ситуацијата. Според објаснувањето, ВАР утврдил дека Халанд бил во дозволена позиција, додека Енцо Фернандез кој се наоѓаше во офсајд, не влијаел врз играта и не ја допрел топката.
#MUNMCI – 59’ VAR OVERTURN VAR checked the referee’s call of no goal for offside – and determined that Haaland was in an onside position and recommended that the goal was awarded. The VAR also deemed that while in an offside position, Fernandez didn’t play the ball. https://t.co/TyTip3ACIh
— Premier League Match Centre (@PLMatchCentre) September 13, 2026
„ВАР ја провери одлуката на судиите на теренот и утврди дека Халанд се наоѓал во дозволена позиција, по што препорача голот да биде признат. Исто така, ВАР процени дека Фернандез, иако се наоѓал во офсајд-позиција, не играл со топката ниту, пак, влијаел врз играта.“
Според актуелните правила на Премиер лигата, играч кој се наоѓа во офсајд-позиција ќе биде санкциониран доколку активно го спречува противникот да игра или му ја ограничува можноста да игра со топката, доколку влегува во дуел за топката со противникот или доколку прави очигледен потег што директно влијае врз способноста на противникот да реагира.
Во конкретната ситуација, ВАР-судиите процениле дека Фернандез не направил ништо од наведеното, поради што погодокот на Халанд останал на сила.