Фудбалерот на Хал Сити, Сорба Томас утрово бил инволвиран во спектакуларна сообраќајна несреќа, на пат кон тренинг, неговиот „Ленд Ровер Дефендер“ заврши превртен на покривот, со искршени прозорци.
Сорба Томас беше едно од последните засилувања на Хал Сити ова лето, повратникот во Премиерлигата го ангажираше офанзивниот фудбалер во зделка вредна околу 10 милиони фунти сосе бонуси.
Велшанецот денеска е топ тема на „островото“ откако направи спектакуларна сообраќајна несреќа на пат кон тренинг.
Непосредно пред тренинг центарот на Хал Сити, тој изгубил контрола над автомобилот, па неговиот „Ленд Ровер Дефендер“ заврши превртен на покривот, со искршени прозори.
Локалните жители се изненадени, се чудат како Сорба Томас успеал да се тумба со оглед на тоа дека улицата е тесна и ограничувањето на брзината е само 15 милји на час, односно околу 25 километри на час.
Од таборот на Хал Сити ја потврдија сообраќајката и нагласија дека дека фудбалерот имал среќа, па поминал без повреди.
Hull City forward Sorba Thomas was involved in a crash outside the club’s training ground but remarkably emerged unscathed.
— Telegraph Football (@TeleFootball) September 11, 2026
The club confirmed Thomas sustained no injuries after pictures of the 27-year-old’s car were posted on social media.@KathrynBatte has more ⤵️… pic.twitter.com/2xlNUnqN1P