Mурињо секогаш сака дисциплина, овие пет правила секој играч на Реал мора да ги почитува

Жозе Мурињо ужива голема почит кај сите фудбалери на Реал Мадрид, а англискиот портал „ТалкСпорт“ откри пет строги правила кои играчите мора да ги почитуваат по секоја цена.

Првите три правила се однесуваат на односот на фудбалерите кон тренинзите, односно на нивното доцнење.

1. Кој и да задоцни на тренинг, веднаш ќе биде испратен на индивидуална работа во теретана.
2. Фудбалерот кој ќе задоцни на тренинг автоматски нема да игра на следниот натпревар.
3. Играчот кој ќе задоцни на тренинг нема да биде парично казнет, бидејќи Мурињо смета дека паричните казни ништо не им значат на фудбалерите со огромни плати.

Останатите две правила се однесуваат на опоравувањето од повреди и исхраната.

4. Фудбалерите од повредите мора да се опоравуваат исклучиво под контрола на клупските лекари, а строго им е забрането да одат на приватни терапии.
5. Сите играчи имаат однапред пропишан режим на исхрана во клубот и строго им е забрането да следат совети од приватни нутриционисти.

Наводно, Мурињо дел од овие правила ги презел како инспирација од Ханси Флик, кој го предводи тимот на Барселона. На крајот од сезоната ќе биде познато дали строгите правила ќе вродат со плод и ќе му помогнат на Мурињо да ги оствари целите со Реал Мадрид.