223
Наполи потврди дека Скот МекТоминеј ќе мора да направи медицинска интервенција поради нарушување на срцевиот ритам.
Шкотскиот репрезентативец во следните денови ќе биде подложен на корективна аблација, минимално инвазивна процедура која се применува при одредени видови аритмија, особено кога станува збор за полесни и бенигни нарушувања на срцевиот ритам.
МекТоминеј беше заменет во второто полувреме на натпреварот против Комо, кој Наполи го загуби со 1-2. По дополнителните медицински прегледи, лекарскиот тим утврдил дека е потребна интервенција.
Во Наполи се оптимисти дека операцијата ќе помине без проблеми и дека 29-годишниот фудбалер ќе може повторно да му се стави на располагање на тренерот по октомвриската репрезентативна пауза.