Паркингот пред тренинг-центарот на Пари Сен Жермен често изгледа како вистинска изложба на луксузни автомобили. Со оглед на огромните заработки на фудбалерите, за ѕвездите на францускиот шампион не е проблем да си дозволат автомобили од највисоката класа.
Но, меѓу сите тие скапоцени возила, еден фудбалер целосно се издвојува.
Шпанскиот репрезентативец Фабијан Руиз на тренинзите пристигнува со мал Смарт, што е вистинска реткост во друштвото на соиграчите кои возат автомобили вредни стотици илјади евра.
Неговиот автомобил, според проценките, чини околу 57.000 евра. Иако за еден градски автомобил тоа е сериозна сума, во споредба со возилата на останатите фудбалери на ПСЖ, разликата е огромна, нивните автомобили во некои случаи се и десетина пати поскапи.
PSG boss Luis Enrique and his players arriving at training in their luxury vehicles… but everyone was talking about Fabián Ruiz’s choice of transport. 👀😂
— Football Tweet ⚽ (@Footballtweet) August 15, 2026
Imagine being a World Cup winner and a Ballon d'Or contender and driving that. 🤯 pic.twitter.com/NAZKRoT6X5