Бредли Баркола донел одлука да не го продолжи договорот со Пари Сен Жермен, пренесува Фабрицио Романо. Францускиот напаѓач е отворен за нов предизвик, а најверојатно следната дестинација ќе му биде англиската Премиер лига.
Баркола има договор со ПСЖ до средината на 2028 година и во изминатите сезони уживаше во голем успех со клубот. Левокрилниот фудбалер двапати по ред ја освои Лигата на шампионите со парижани, покрај бројните други трофеи на домашната сцена.
Сепак, минатата сезона 23-годишникот не беше неприкосновен стартер кај тренерот Луис Енрике. Во најголемиот дел од натпреварите, Дезире Дуe и Кварацхелија добиваа предност на крилните позиции. Поради тоа, Баркола веќе подолго време се поврзува со заминување од „градот на светлината“, а договорот кој му трае до 2028 година не помогна многу да се смират шпекулациите за негово напуштање на Париз.
🚨 Understand Liverpool remain the club showing most concrete interest in Bradley Barcola.
— Fabrizio Romano (@FabrizioRomano) July 23, 2026
No truth in Barça links, #LFC deal depends on conditions for the exit as price will be set by PSG.
No talks over new contract so far.
🎥 https://t.co/CBcR9zGpmj pic.twitter.com/kIP7SDEQ76
Откако Баркола решил да не потпише нов договор, новинарот Бен Џејкобс тврди дека ПСЖ најверојатно ќе се обиде да го продаде. Неговата вредност се проценува на најмалку 90 милиони евра.
Романо додава дека Ливерпул го гледа Баркола како идеално засилување за напаѓачката линија, па би можел да ја искористи ситуацијата. Иако, тренерот Ираола разгледува и други опции.