Односите меѓу Барселона и Атлетико Мадрид не се сјајни, особено поради обидот на каталонскиот тим да го доведе Хулијан Алварез. Додека се шпекулира дека Атлетико сака да го ангажира Феран Торес без во евентуалната зделка да биде вклучен Алварез, од Барселона не се подготвени да се откажат од шпанскиот напаѓач.
По прославата на шампионската титула низ улиците на Мадрид, Атлетико објави фотографија на која Марк Пубил го бакнува трофејот. Сепак, вниманието го привлече фактот што во кадарот се најде и Феран Торес, кој стои веднаш зад дефанзивецот.
Објавата веднаш предизвика бројни реакции меѓу навивачите, кои ја протолкуваа како суптилна порака и можна најава дека Атлетико не се откажува од намерата да го доведе напаѓачот на Барселона. Засега нема официјална реакција од каталонскиот клуб, но јасно е дека трансферската битка меѓу двата ривали продолжува.