Англија со пресврт ја совлада Норвешка и избори пласман во полуфиналето на Светското првенство, но првиот гол на Џуд Белингем предизвика реакции.
Норвежаните поведоа во 36. минута преку Андреас Шјелдеруп, но Белингем во втората минута од судиското продолжение на првото полувреме го израмни резултатот. Англискиот репрезентативец потоа повторно беше прецизен и на почетокот од првото продолжение, комплетирајќи го пресвртот.
Сепак, најмногу внимание привлече акцијата што му претходеше на израмнувачкиот погодок. По краткото исфрлање на норвешкиот голман Орјан Ниланд, Англија брзо организираше напад и стигна до гол. Ниланд веднаш реагираше кај главниот судија, тврдејќи дека топката во лет го допрела висечкиот кабел на камерата над теренот, што, според него, ја променило нејзината траекторија.
Но, според објавата на ФИФА топката немало никаков допир, а доказ за тоа вградениот сензор.
„Пред голот на Англија во 45+2. минута против Норвешка, сензорот во топката не регистрираше никаква промена во нејзините параметри додека беше во воздух. Затоа нема докази дека топката го допрела кабелот над теренот и поради тоа ја променила својата траекторија“, соопштија од ФИФА.
Before England’s goal in minute 45+2 against Norway, the sensor in the Connected Ball showed no peak in the 'heartbeat of the ball' when in the air, and therefore no evidence that the ball touched the overhead wire and changed the movement of the ball. pic.twitter.com/gYf9ukfveT
— FIFA Media (@fifamedia) July 11, 2026