„Ѓаволите“ се во мала паника откако утрово на натпреварот помеѓу Уругвај и Шпанија, повреда заработи Мануел Угарте и се стравува дека фудбалерот од средниот ред ќе паузира подолго време, а тоа ќе влијае и врз трансфер плановите.
Манчестер јунајтед ова лето сака да прави реконструкција во средниот ред и веќе го договори Едерсон од Аталанта во зделка вредна околу 45 милиони евра.
Клубот од „Олд Трафорд“ планира да донеса барем уште едно засилување за овој дел од тимот, и со цел да за да приберат пари, Мануел Угарте беше ставен на продажба.
Но „ѓаволите“ сега се во мала паника откако утрово на натпреварот помеѓу Уругвај и Шпанија, Мануел Угарте заработи повреда по еден судар со соиграч.
Настрада неговото колено, тој на носилки беше изнесен со болна гримаса на лицето, и се стравува дека се работи оштетување на лигаментите и долга пауза.
Доколку се потврдат најцрните прогнози, речиси сигурно е дека потенцијалните купувачи ќе се повлечат, па Манчестер јунајтед ќе мора да бара алтернативни решенија, и да се обиде да продаде други играчи за да ги обезбеди средствата потребни за реконструкцијата на тимот.