ЖФК Скопје ќе игра против ирски тим во квалификациите за ЛШ

ЖФК Скопје ги дозна противниците на патот кон групната фаза во Лигата на шампионките, откако денес беше одржана ждрепката за првата квалификациска рунда.

Македонскиот шампион ќе настапи на мини турнир со четири екипи, а во полуфиналето ќе се соочи со ирскиот Атлоне Таун.

Доколку успее да избори пласман понатаму, Скопје во финалето ќе игра против победникот од натпреварот меѓу полски Чарни Сосновиец и грузиски Нике.

Турнирот ќе се одржи во периодот од 22 до 25 јули, а дополнително ќе биде одреден и домаќинот на квалификацискиот циклус.