Сомалискиот фудбалски судија Омар Артан во средата се врати во Могадишу, каде што беше пречекан од голем број граѓани и претставници на властите, по забраната да влезе во САД.
Артан требаше да стане првиот судија од Сомалија кој ќе дели правда на Светското првенство, откако се најде на конечната листа на ФИФА за турнирот. Станува збор за еден од водечките африкански арбитри, кој во 2025 година беше прогласен за најдобар машки судија на континентот.
Сепак, неговото патување во САД беше стопирано во саботата на аеродромот во Мајами, каде што му беше одбиен влез поради „безбедносна проверка“, соопшти американската царина и гранична заштита, без дополнителни објаснувања. Потоа ФИФА го отстрани од списокот на судии за турнирот, иако според сомалиската амбасада во Кенија, виза за патување во САД била издадена минатата недела.
По враќањето во Могадишу, на аеродромот „Аден Аде“ го пречекаа стотици поддржувачи, претставници на властите и членови на сомалиската фудбалска заедница.
„Ви ветувам дека, ако Бог даде, ќе бидам на следното првенство. Сите ние мора да го браниме името на Сомалија. Сомалија ни припаѓа, без разлика дали е во добро или лошо. Таа застава е наша, тој пасош е наш“, изјави Артан.
Upon arrival at #Mogadishu’s Adan Abdulle International Airport international Somali referee Omar Abdulkadir Artan received a heroic welcome on Wednesday morning. pic.twitter.com/12B8NSgPW8
— Nasra Bashir Ali (@NasraBashiir) June 10, 2026