Селекторот на фудбалската репрезентација на Узбекистан, Фабио Канаваро, јавно го изрази своето незадоволство од третманот што го добиле тој и неговите играчи по пристигнувањето во САД
Узбекистанската експедиција пристигна во САД во пресрет на настапот на големото натпреварување, а легендарниот италијански фудбалер откри дека биле подложени на дополнителни проверки кои, според него, не важеле за останатите селекции.
„Ни беше кажано дека тоа е стандардна процедура и дека важи за сите. Сепак, подоцна видовме дека такви проверки беа спроведени само врз нашата делегација“, изјави Канаваро, пренесува „Скај“.
Своето незадоволство го искажа и Игор Сергеев, стрелецот на единствениот погодок за Узбекистан во поразот од Холандија со 2-1, нагласувајќи дека досега никогаш не се соочил со сличен третман при патување на меѓународни натпреварувања.
За Узбекистан ова е историски настап, бидејќи селекцијата за првпат учествува на најголемата светска фудбалска сцена. Во групата И ќе се соочи со репрезентациите на Колумбија, Конго и Португалија.
This was the security protocol the Uzbekistan national team went through upon their arrival at the stadium for their friendly against the Netherlands tonight… pic.twitter.com/j5HqQcB6Pa
— george (@StokeyyG2) June 8, 2026