Вардар ги раскина договорите со двајца фудбалери

Вардар информираше за разделба со двајца свои играчи кои немаа голема минутажа во изминатата сезона.

Клубот го напуштија голманот Ведран Ќосевски и офанзивниот фудбалер Михаил Талевски. Двајцата спогодбено ги раскинале договорите со клубот и сега се слободни играчи.

Ќосевски беше втор голман на Вардар, не можеше да добие шанса поради одличните изданија на првата опција, Давор Талевски.

Талевски беше херојот на Вардар кога црвено-црните го освоија Купот на Македонија, даде два гола во финалето против Струга минатата година за победа на Вардар од 2-0. Но, во минатата сезона не се изнаигра.