Барди нема да игра против БиХ и Турција

Проблем за селекторот Гоце Седлоски, на престојните пријателски натпревари против Босна и Херцеговина и Турција ќе играме без капитенот, Енис Барди.

Барди го откажал настапот поради повреда на коленото.

Тој се појави на собирот на националниот тим, но по извршените медицински прегледи беше утврдено дека не може да игра на престојните натпревари.

Македонија на 29. мај игра против Босна и Херцеговина во Сараево, а на 1. јуни играме против Турција во Истанбул.