Познат и вториот клуб кој директно влезе во Премиер лигата

Сезоната во Чемпионшип заврши веќе ги даде двата тима кои директно ќе играат во Премиер лига. По Ковентри Сити, билетот за елитата го обезбеди и Ипсвич Таун, кој со сигурни 3-0 против Квинс Парк Ренџерс го потврди второто место.

Борбата за плеј-оф донесе вистинска драма. Милвол остана трет и покрај победата над Оксфорд Јунајтед, а во доигрувањето ќе играат уште Саутемптон, Мидлсбро и Хал Сити, кој влезе меѓу најдобрите шест со триумф против Норич.

Најголем губитник во завршницата е Рексам, кој со ремито против Мидлсбро остана без шанса за плејоф.

Во полуфиналето ќе се соочат Милвол и Хал, односно Саутемптон и Мидлсбро, а финалето ќе се игра на Вембли, меч кој традиционално носи огромен финансиски влог за победникот.