Директорите на тимот на Трајковски имале тешка сообраќајка

Хрватскиот клуб Локомотива Загреб доживеа сериозен инцидент при враќањето од Осиек, откако едно нивно возило било дел од сообраќајна незгода.

Според информациите, автомобилот удрил во елен и излетал од патот, при што со тешки повреди се здобиле директорите Божидар Шикиќ и Денис Гудашиќ.

„Во саботата, 25 април околу 22 часот, при враќањето во Загреб се случил сообраќајна на автопатот А3. Повредени се директорите Денис Гудашиќ и Божидар Шикиќ“, соопштија од клубот.

Во редовите на Локомотива Загреб настапува веќе поранешниот македонски репрезентативец Александар Трајковски.