Maкедонија Ѓорче Петров и Работнички денеска од 16:00 часот го играат единствениот натпревар.
Овој дуел од 29. коло е и еден од најважните за двете екипи кои се во жестока битка за опстанок. Работнички е во нешто подобра позиција бидејќи има четири бода повеќе на десетата позиција, додека „лавовите“ се претпоследни со четири помалку.
Поразот за домашниот состав денеска би значел и огромен чекор назад, бидејќи заостанувањето до од местата кои водат до баражот за опстанок би било преголемо, посебно и во случај Пелистер да слави против Брера во дуелот кој се игра утре.
Работнички го дочекува натпреварот во подобра форма и поради тоа ја има улогата на фаворит. На последните пет средби дебармаалци запишаа три победи и два порази, додека во Ѓорче четири пати загубија и еднаш ремизираа.
Ќе потсетиме, колото вчера го отворија Арсими и Шкупи со натпреварот во кој домашниот состав лесно ја оправда фаворитската улога и победи со 5-1.