Српски талент од Нови Пазар привлече внимание од ПЛ, Серија А, Австрија…

Младиот дефанзивец на Нови Пазар, Ахмед Хаџимујовиќ привлекува сериозно внимание по првите настапи во сениорскиот тим.

Според информациите, интерес за 18-годишниот стопер покажуваат Брентфорд, Ред Бул Салцбург и Удинезе, кои веќе ја следат неговата ситуација.

Клубот од Нови Пазар е подготвен да го продаде, но без брзање, со оглед на потенцијалот што го поседува. Хаџимујовиќ се истакнува со физичката доминација и сигурноста со топка, а неодамна обезбеди и пласман на Европско првенство со младинската селекција на Србија.