59
Екипата на Башкими продолжува активно да се засилува пред предизвиците во Првата македонска фудбалска лига, а најновото име во ростерот е насочено кон офанзивната линија.
Кумановскиот клуб официјално го претстави Азер Козиќ како нов напаѓач. Станува збор за 24 годишен фудбалер од Босна и Херцеговина кој во македонскиот шампионат пристигнува по настапите за киргистанскиот Талент.
Козиќ зад себе има и искуство од балканските терени, откако во татковината настапувал за Звијезда, Клис и Игман Коњиќ, а бил дел и од Кутјево во Хрватска, како и Кети Бистрица во Словенија.
Во редовите на Башкими веруваат дека новото засилување ќе донесе поголема ефикасност и свежина во нападот, особено во период кога клубот остана без неколку важни офанзивци.