Чаби Алонсо од вчера веќе не е тренер на Реал Мадрид, а реномираниот „Атлетик“ открива кои се фудбалерите со кои влегол во конфликт. Според информациите тоа биле: Винисиус Жуниор, Федерико Валверде и Џуд Белингем.
Шпанецот имаше импресивен старт на клупата на „кралскиот клуб“, со 17 победи во првите 20 натпревари, но во изминатиот период формата и резултатите на екипата не беа на посакуваното ниво.
Проблемите како што се наведува започнале за време на натпреварот против Барселона во октомври 2025 година, кога Алонсо, и покрај победата, влегол во конфликт со Винисиус поради замената. Бразилецот беше незадоволен од одлуката, одби да се ракува со тренерот, а клубот тогаш не презел дисциплински мерки против играчот.
🚨🥶 The relationship, especially between Vinicius Jr. and Xabi Alonso, was dramatic. Vinicius DID NOT LISTEN to the coach at all and even refused to renew his contract as long as Alonso was the coach of Real Madrid.
— TheScreenshotLad (@thescreenlad) January 12, 2026
Alonso did not feel in control of the dressing room and was… pic.twitter.com/n2FLWPRe4w
Според истиот извор, Алонсо почувствувал дека ја губи контролата во соблекувалната и дека нема целосна поддршка од клупската управа. Воедно, со неговиот стил на работа и тактичките замисли незадоволство искажале и Валверде и Белингем.
Англискиот репрезентативец во претходните две сезони имаше значајна улога во тимот, но сезонава се соочуваше со пад на формата и под водство на Алонсо повеќе не беше недопирлив во средниот ред.
Од друга страна, Валверде, поради својата поливалентност, често беше користен на различни позиции, што дополнително го оддалечуваше од неговата омилена улога во средината на теренот.