Киево се држеше со десет играчи, но не можеше и со девет, тешка победа на Јуве (ВИДЕО)

Беше потребно Киево да остане со девет играчи за да може Јувентус да го скрши отпорот на домаќинот.

Бастиен успеа за две минути да добие два жолти картони и во 37. минута Киево остана со фудбалер помалку, но и покрај тоа Јувентус не успеа да даде гол.

Во 61. минута Качиаторе поради неспортско однесување доби црвен картон, Јувентус на теренот имаше два играчи повеќе и конечно успеа да погоди.

Шест минути по црвениот картон Кедира носи водство на Јувентус од 1-0, а Игуаин во 88. минута ги постави конечните 2-0.

Со овие три бода Јувентус се искачи на врвот во Серија А, но веќе утре може да биде симнат од таму доколку Наполи ја оправда фаворитската улога против Болоња.