Ерменскиот
репрезентативец и веќе екс член на Манчестер јунајтед, Хенрих Мхитарјан по
официјализацијата на трансферот во Арсенал како дел од трампата помеѓу обата
клуба, откако Санчез оди во другиот правец, го даде првото интервју за
клупскиот сајт на тимот од Лондон.
Познато е дека тој во
2009. година за официјалниот сајт на УЕФА говореше за тоа дека имал голема желба еден ден во својата кариера да
игра за Арсенал, а сега потврди дека за него, денешниот трансфер е исполнување
на сонот.
„Отсекогаш го сакав
начинот на играње и стилот кој го користи Арсенал за време на натпреварите,
посебно, секогаш бев импресиониран од начинот на кој Арсен Венгер го менаџира
тимот. Многу млади фудбалери минаа низ овој тим, а тој ги менаџираше на
фантастичен начин. Бев заљубен во играта на Тјери Анри, уживав во неговата
игра, можеби тоа е причината која ме приврза со овој клуб“ рече Мхитарјан.