Алексис Санчез во
Манчестер јунајтед, Хенрих Мхитарјан во Арсенал, конечно, имаме официјална
разврска на настаните околу оваа трансфер зделка, или трампа помеѓу двата клуба
која долг период се најавуваше, и двата клуба потврдија дека конечно има
финализација околу Санчез и Мхитарјан.
Санчез е почестен што ќе
игра за голем тим како Манчестер јунајтед, Мхитарјан пак, вели дека трансферот
во Арсенал за него е исполнување на сонот.
„Почестен сум од фактот
што се приклучив на една ваква голема екипа во светот. Шансата да се игра на
овој историски стадион и да се работи со Жозе Мурињо беше нешто што не можев да
го одбијам“ рече Санчез.
„Мојот сон стана
реалност бидејќи секогаш сонував да играм за Арсенал. Сега сум тука, ќе го
дадам максимумот од себе за да креираме историја“ рече Мхитарјан.